Emosyonal nga nagpanawagan sa Bombo Radyo Kalibo ro sangka ginang kasunod it pagkaduea it anang onga.
Suno kay Rosie Sauza it Brgy. Rosario, Malinao nga ko Enero 27 pa naduea ro anang onga nga si Rosel Sauza, sa legal nga edad, may asawa ag onga.
Uwa sigon nanda raya nataeopangdan nga nagpanaw it bandang alas-2:00 it aga-aga.
Ginapahayag dugang nga may nervous breakdown ro anang onga ag may maintenance sigon raya nga bueong nga kapin sa daywang dag-on eon nana ginabatyag.
Kutob suno kana sa andang himata sa mga kaeapit banwa hay anda eon nga hakutana apang uwa it senyales nga nakaadto idto ro anang onga.
Angot kara, nag-apela ro ginang sa publiko nga kon sin-o man ro nakasapopo sa anang onga hay magreport eang sa pinakamaeapit nga taeatapan it pulisya ukon iya sa Bombo Radyo Kalibo
