Nagatuga makaron it pagkaalarma sa banwa it Kalibo eabi eon gid sa mga estudyante angot sa sangka eaeaki nga may bitbit nga baril samtang nagasakay it anang motorsiklo.
Sangka estudyante nga babaye ro nagdangop kahapon ag nagparekord sa Kalibo Municipal Police Station angot sa nasambit nga eaeaking may bitbit nga baril ag ginasugid may takop ro itsura.
Suno kana nga nagpundo sigon raya ag nagsumbil kung gusto kara nga magsakay sa motorsiklo nga daea.
Grabeng kakueba sigon ro nabatyagan it estudyante kat nataeupangdan nga may bitbit rayang baril.
Angot kara, ro nasambit nga insidente hay natabo sa sangka subdivision sa banwa it Kalibo.
Sa pihak nga parte, ro nasambit nga insidente hay nagtuga it alarma sa mga publiko bangud mataeupangdan nga pilang ka mga serye eon it insidente nga ginakaeakipan it puro mga estudyante ro nagkaeatabo sa probinsya it Aklan eabi eon gid sa banwa it Kalibo.
Sa makaron maid-id ro ginapatigayon nga imbestigasyon it katapo it Kalibo PNP para matumod ro pagkakilaean-an it suspek.
