Sangka eaeaki nga nagbaktas maghalin sa Jamindan paagto it Kalibo, nagapangayo it bulig para makauli sa andang lugar sa Cagayan

Nagapangayo it bulig sa mabinueawanon nga tagipusuon ro sangka eaeaki agud nga makauli sa andang lugar sa Cagayan.

Suno kay Benedicto Bruce, nagbaktas eamang imaw halin it Jamindan paadto it banwa it Kalibo agud nga makapangayo it bulig.

Gintinguhaan man sigon nana nga makapangayo it bulig sa nasambit nga lugar apang uwa it may nagta-o kana rason nga nagdesisyon nga magpasimpalad iya sa banwa it Kalibo.

Gusto sigon nana nga makauli sa andang lugar bangud nga may sakit eon imaw ag maskin anu eamang ro anang trabaho idto.

Ga sang dag-on eon imaw sa poder it anang lola sa Jamindan antes nagdesisyon nga magpanaw bangud nga uwa eon sigon imaw it makitaan nga trabaho ag inde eon imaw makapamug-at bangud sa anang sakit.