-- ADVERTISEMENT --
KALIBO, Aklan—Ninahan nga gindaea sa Aklan provincial hospital ro sangka eaeaki matapos nga gin-eabo bandang alas-10:00 kabie sa Brgy. Alibagon, Makato.
Ginkilaea ni PSSgt. Joebert Zubiaga it Makato PNP ro biktima nga si Napoleon Fulgencio, 62-anyos ag residente it nasambit nga lugar.
Base sa inisyal nga imbestigasyon, gapauli ro biktima kaibahan ro anang amigo sakay it motorsiklo halin sa baybay kat pag-abot sa plaza it Alibagon hay gintambangan sanda it uwa pa makilaea nga suspek.
Si Fulgencio hay nakaangkon it lastro sa nagkaeain-eain nga parte it eawas nga insigida man nga nadaea sa nasambit nga ospital para sa nagakaigong medikasyon.
Samtang, ro insidente hay padayon pang ginaimbestigahan it Makato PNP.
-- ADVERTISEMENT --
