Kalibo Aklan ————Nagapadayon ro imbestigasyon it Tangalan PNP angot sa nag-eontad nga pagpamuno nga ginkamatay it sangka eaeaki sa Sitio Mangguyod, Brgy. Tamalagon, Tangalan.
Una kara, dead on arrival nga gindaea sa Aklan Provincial Hospital ro biktimang si Rey Istoy, 47-anyos samtang ro suspek hay ginkilaeang si Ramil Abalayan, sa legal nga edad ag parehong residente it nasambit nga lugar.
Base sa inisyal nga imbestigasyon it pulisya, gulpi eon lang ginbuno it suspek ro biktima samtang nagapanikangon kaibahan ro anang asawa.
Nakaangkon it fatal nga lasto sa eawas ro biktima nga gintunaan it anang hinali nga kamatayon.
Samtang ro suspek hay presenteng una sa kustudiya it Tangalan Police Station kasunod it anang boluntaryong pagsurender matapos ro nasambit nga insidente.
