KALIBO, Aklan—Owa eun it kabuhi kat masapwan ro sangka eaeaki matapos nga magbigti-patay sa sangka barangay sa banwa it Balete.
Base sa inisyal nga imbestigasyon it Balete PNP, bandang alas 7:00 kaina it agahon kat matukiban it misis it biktima nga raya hay nagbigti sa sueod it andang panimaeay gamit ro higot it duyan.
Sambilog sa ginapanan-aw nga rason hay ro hueugan karang motosiklo.
Apang suno pa sa tiya it biktima, bandang alas 6:30 kabi-e kat nag-uli ro biktima sa andang panimaeay nga una sa impluwesiya it makahieilng nga ilimnon.
Nagsaeabtan sigon sanda it anang asawa angot sa ginahueugan nga motorsiklo hasta nga ginpauli nana ro anang misis daea ro andang unga ag idto ginpatueog.
Ginkakibot eamang it anang asawa kat maabutan eun raya nga nakabitay ag owa eun it kabuhi.
Samtang, ginaeaygayan ro tanan nga kung may problema ag gusto it maka-istorya nga magtawag eamang sa National Center for Mental Health Crisis Hotline (NCMH-USAP) sa 0917-899-USAP (8727) ukon sa 7-989-USAP (8727).
Pwede man sa mga numerong 0917-558-4673 ag 0918-873-4673.
