KALIBO, Aklan—Nagapangatubang sa reklamong pageabag sa RA 9165 ukon Comprehensive Dangerous Drugs Act of 2002 ro sangka eaeaki matapos mabak-ean it ginadudahan nga shabu bandang alas-10:30 gabi-i it Martes, Enero 7, 2025 sa Barangay Katipunan, Buruanga.
Suno kay P/Lt. Rossine Mina, deputy chief of police it Buruanga Municipal Police Station nga naaresto ro suspek nga ginkilaea kay alyas kalbo, sa legal nga edad, sangka laborer ag residente it nasambit nga lugar sa ginkasa nga drug buy-bust operation it Buruanga MPS.
Nabo-oe kana ro sangka plastic sachet it ginadudahan nga shabu nga may timbang nga 44 grams ag ginaboeobanta nga nagabalor it P2,980.
Owa it iba pang droga nga narekober sa anang posisyon ag pagkontrol sa ginpatigayon nga body search.
Sa makaron hay sa kustodiya it Buruanga MPS ro naarestong suspek para sa nagakaigo nga disposisyon.
Samtang, nag apela si Lt. Mina it kooperasyon sa publiko agud nga matapna ro pagkalhit it illegal drugs nga ginakabig nga saeot sa sosyudad.
