Bangud sa 24,268 nga koleksyon nga video games ni Antonio Romero Monteiro it Texas hay nakaangkon imaw it limang kabilugan nga Guinness World Records titles.
Imaw makaron ro nagabuyot it record nga may pinakamaabu nga collection it video games.
Ko disyembre 2021 hay nabo-oe nana ro record kat ro anang koleksyon hay nag abot sa 20,139 nga video games.
Ro kantidad it anang koleksyon hay naga abot sa $2.1 million dollars.
Suno kay Monteiro nga kaeabanan sa anang mga koleksyon hay naka-focus sa mga video games nga anang ginahampang kat unga pa imaw.
Pila pa sa mga naangkon nga Guinness World Record titles ni Monteiro hay ro largest collection of Xbox items, largest collection of Sega items, largest collection of Nintendo items ag largest collection of PlayStation items.
