Kalibo Aklan —Nagpaidaeum sa voluntary home quarantine si Jail Officer 1 Prince Dave Retamar it Bureau of Jail Management and Penology (BJMP) bangud sa 2019 coronavirus disease (COVID-19).
Raya hay matapos nga magbiyahe imaw sa National Capital Region (NCR) nga infected it makamaeatay nga virus .
Suno kana nga bilang sangka person under monitoring hay hugut nana nga ginasunod ro protocol it Department of Health (DOH).
Maskin nga owa sigon it flu like symptoms, nagdesisyon si JO1 Retamar nga mag-self quarantine para masiguro nga maprotektahan ro iba partikular ro anang mga mahae sa kabuhi.
Imaw sigon hay nakaconfine sa sangka isolated nga kwarto sa sueod it andang baeay.
Separado man ro anang mga gamit eabi eon ro anang eating utensils ag kon ginahatdan it pagkaon hay gina-aywan ro anang maisot nga lamesa sa guwa it kwarto .
Ginlaygayan man sigon kara ro anang mga kaibahan sa baeay nga engkaso nga mabuytan ro anang mga gamit hay insigida sanda nga mag disinfect ag maghugas it alima.
Kinahangean sigon nana nga magsakripisyo sa sueod it 14 diyas para sa kamaeayran it tanan.
