KALIBO, Aklan–Nag apela ro sangka football analysts ag commentator nga si Jaimer Dela Cruz sa mga Pinoy nga pasikaton man sa Pilipinas ro hampang nga football kapareho it nakahiligan nga basketball.
Apang suno kana nga nagaeaum imaw nga magasikat eon sa nasyon ro hampang matapos nga makasueod ro Philippine Women national football team nga Filipinas sa FIFA womens world cup nga pagahiwaton sa masunod nga dag-on sa Australia ag New Zealand.
Gin engganyo man nana ro maabung Filipino nga obrahon nga halimbawa ro ginpakita nga suporta it andang nasyon ag mga pumueuyu sa pagdaog it South Korea ag japan kontra sa mga dekalibreng teams sa round of 16 sa world cup 2022.
Gindugang pa ni Dela Cruz nga sa masunod nga mga paniempo hay maabu nga pinoy ro magkagusto nga maghampang it football kamana man ro magguwa ag magtan-aw sa sport agud nga mag-umwad raya sa Pilipinas kapareho it pagkahilig it ibang nasyon sa bilog nga kalibutan.
