KALIBO, Aklan–Dismayado ro sangka ginang matapos nga mabiktima it sangka modus it mga delivery truck nga nagabaligya it sofa sa pilang kabanwahanan sa probinsya it Aklan.
Suno sa tagreklamo nga nabakae nana ro nasambit nga sala set sa bahin it Brgy. Linabuan Sur, Banga may daywang dominggo eon ro nagtaliwan.
Nabakae sigon nana ro sofa sa balor nga P4,500 halin sa orihinal nga presyo kara nga P12,500.
Nadiskubrehan sigon nana nga peke ro sueod it sofa matapos nga eumusot raya kat anang pungkuan.
Sa andang pagbukas, nakita nanda ro lokal nga mga karton ag kahoy sa sueod kara imbes nga kutson.
Eubos man ro pagkanugon ag pagkadismaya it pamilya matapos ro natabo kanda.
Nagaeaum man ro tagreklamo nga madakpan eon ro mga suspek nga una sa likod it pagpangloko para mapondo eon ro andang modus.
