NATIONAL News —- Grabe ro pagpangasubo it sangka ginang matapos nga mamatayan it 26 nga miyembro it pamilya sa natabu nga landslide sa Sitio Waterfalls, Brgy. Mailhi, Baybay City, Leyte.
Nag-uli si Mantessa Polvera sa Leyte halin sa Manila matapos nga masayuran ro insidente.
Kaibahan sa namatay hay ro anang ama, ina, tatlong mga igmanghud, mga gumankon, tiya ag tiyo.
Natigayon eon nga ma-rekober ro bangkay it mga raya.
Apang may iba pa imaw nga mga maeayo nga igbata nga kaibahan man sa natabunan sa landslide nga owa pa nakita.
Ginahinyu nana sa mga otoridad nga padayunon ro search and retrieval operation.
Nasayuran nga nagapadayun pa ro search and retrieval operations sa Brgy. Mailhi ag Kantagnos samtang ginpundo eon ro pag-usoy it mga bangkay sa iba pang mga barangay.
