KALIBO, Aklan– Emosyonal nga nagpangayo it bulig ro sangka ginang sa mga may mabinueawon nga tagipusuon nga buligan ro anang asawa nga presenteng nakaconfine makaron sa Western Visayas Medical Center sa syudad it Iloilo.
Suno kay Vicky Helario nga nagakinahangean ro anang asawa it kapin sa 17 ka bag it type O+ nga dugo para eubusan eon raya nga makarekober sa anang baeatian.
Raya hay bangud sa may acute leukomia nga ginaangkon ro anang asawa.
Ginapahayag dugang nga nagdangop eon man sanda sa taeatapan it lokal nga gobyerno ag nagahueat eon lang it nagakaigong update.
Angot kara, nasayuran nga naga-einubog lang ro anang asawa bangud sa grabeng pagnaba it anang hemoglobin.
Samtang, nasayuran nga kapin sang buean man sandang nagtinir sa Aklan Provincial Hospital antes nga eubusang gintransfer sa syudad it Iloilo.
