KALIBO, Aklan–Nagapanawagan ro sangka ginang sa anang mga igkampod nga naga-istar sa probinsiya it Aklan nga kon mahimo hay agtunan ro andang ama nga may sakit nga naka-confine makaron sa provincial hospital it Guimaras.
Suno kay Phoebe Mercado nga eubus nga kaeo-oy ro anang nabatyagan sa kahimtangan makaron it anang 69-anyos nga tiyo nga si Alfredo “Fred” Jison bangud sa gina angkon nga baeatian.
Umpisa suno kana nga magbueag ro anang tiyo ag asawa kara nga si Terry Jison hay ginbitbit nana pauli sa aklan ro anang ap-at unga nga sanday Analyn, Regie, Yan-yan ag Sheena.
Gin-usoy sigon nana ag ginhana nga makaangkon it komunikasyon pinaagi sa social media sa anang mga igkampod apang owa it naging sabat.
Bangud kara, naisipan sigon nana nga magangayo it bulig sa Bombo Radyo Kalibo bangud sa mabaskog kara nga coverage sa Aklan.
