KALIBO, Aklan—Nagpangayo it bulig sa Bombo Radyo ro sangka ginang agud nga maipanawagan ro anang naduea nga baka kahapon sa mismong adlaw it Semana Santa.
Suno kay Mrs. Marites Vidal it Barangay Sigcay, Banga nga kahapon sigon kat napan-uhan nanda it anang asawa nga owa eun ro andang alaga nga baka sa andang ginhingtan kara.
Samtang, naduea man ro higot ag bakal nga gingamit sa paghigot it baka rason nga nagapati sanda nga posibleng may nagbo-oe.
Dugang pa kara nga bukon it maeahog ag masangag ro andang baka ag imposible nga makabuhi it madali sa anang higot.
Ginbana-bana nga limang dag-on ro edad it nasambitan nga baka nga kulay puea ag may halong puti ag brown.
Ginapahayag nga gin-usoy eun nanda raya sa andang mga kaeapit apang owa nanda nakit-an.
Samtang, ginpa-blotter eun man nanda sa Banga Police Station ag ginparecord sa Barangay ro nasambitan nga hitabo.
Nagapanawagan man raya sa kung sin-o man ro naghimo ukon nagbo-oe it andang baka hay ibalik eun lang raya ukon magtawag sa anang numero nga 09120091108.
