KALIBO, Aklan—Sangka ginang ro nagdangop sa Bombo Radyo Kalibo agud nga magpangayo it bulig matapos nga ginbueagan it anang dating live-in partner ag ginduea ro sustento sa andang daywang mga unga nga puro maintok pa.
Suno sa tagreklamo nga si Pamie Yabut it Barangay Aranas, Balete nga gusto nana ag ko anang mga ginikanan nga mag-atubang kanda ro dating karelasyon ag ama it anang mga unga kaibahan ro anang bag-ong asawa agud nga makaangkon it kasugtanan sa pagtau it pinansiyal nga suporta.
Gindugang pa ni Pamie nga matapos sanda nga magbueag hay insigidang nakipagbalikan ag nagpakasae ro dating karelasyon nga si Gary Apolinario it Barangay Balactasan, Madalag sa anang dating nobya nga si Wilma Nadura.
Matapos kara gulpi sigon nga napundo ro pagtau it sustento it eaeaki.
Depensa suno kana it dating live-in partner nga ginpundo nana ro pagtau it sustento matapos imaw nga kasuhan ni Pamie it pagpanakit, pagpangloko ag owa pagtau it sustento.
Sa makaron hay indi eon suno kana matawagan ag makita ro dating karelasyon.
Sa pihak nga parte, padayun ro pagtinguha it Bombo Radyo Kalibo nga maboe-an man it pahayag ro ginareklamo nga si Apolinario angot sa mga alegasyon kontra kana it dating karelasyon apang indi pa ma contact hasta makaron.
