Matapos ro selebrasyon it Chinese New Year, nagpaandam ro toxics watchdog group nga Ecowaste Coalition angot sa pagbakae it lucky charms ag amulets ukon anting-anting nga may makahieilo nga kemikal.
Raya hay matapos ro ginpatigayon nga test buys it grupo halin sa pilang retailers sa Binondo ag Quiapo sa Manila.
Nasayuran nga23 halin sa 35 nga nabakae nga lucky charms ag amulets hay naga-angkon it mataas nga lebel it cadmium ag lead.
Suno kay Ecowaste Coalition National Coordinator Aileen Lucero, kaibahan ro cadmium ag lead sa Philippine Priority Chemical List ag mga kemikal nga una sa Major Public Health Concern it World Health Organization (WHO).
Nag apela man si Lucero sa mga manufacturer nga butangan it maayos nga label ro andang produkto, kaibahan eon ro pagbutang it hazard warnings para man sa kamaeayran it mga bumaeakae.
Suno sa WHO, may una nga toxic effects ro cadmium sa bato it sangka indibidwal kamana man sa skeletal ag respiratory system, nga ginakabig nga human carcinogen.
Ro lead man hay sangka cumulative toxicant nga nakakaapekto sa neurologic, hematologic, gastrointestinal, cardiovascular, ag renal system it tawo.
