KALIBO, Aklan—Nakaangkon it “instant” nga paeangitan-an ro sangka Hotel and Restaurant Management ukon HRM student nga si Mark Fernandez Relox Raet matapos nga madiskubrehan ro anang talento sa “art” sa pihak it ginapangatubang nga pandemya tuga it coronavirus disease 20019 ukon covid-19.
Ginpahayag ni Raet nga pamaagi sa anang talento sa gintawag nga “kusot art” hay nakakabulig imaw sa anang ginikanan agud nga makabakae it pagkaon kamana man nga mabayaran ro anang tuition fee.
Nasayuran nga nadiskubrehan na eamang sigon ro anang talento kat nagpatuman it mga restrictions sa nasyon sa tunga it pandemya.
Pila eamang sa mga sikat nga personalidad nga anang naubra eun hay sanday International singer Taylor Swift, Willie Revillame, Kathryn Bernardo, ag ro naging represante it nasyon sa Miss Universe 2020 nga si Rabiya Mateo.
Mag-euwas kara hay nagahimo man imaw it charcoal portrait, leaf art ag maabo pang iba.
