Kalibo Aklan —– Eubos ro pagkabaeaka makarun it sangka ina bangud sa sitwasyon it anang unga nga na-confine eun it masobra sang dominggo sa Aklan Provincial Hospital apang owa sa gihapon ginpaidaeum sa operasyon.
Ginakasubo it ina it biktimang si Reymund Isidro, 21-anyos, residente it Brgy. Aranas, Balete ro presenteng kahimtangan it anang unga bangud ko nakataliwan nga Marso 15 pa raya gindaea sa nasambitang ospital.
Maskin ro bandage sigon nga nakaputos sa siki it biktima hay matsa owa pa ginabayluhan.
Madumdoman nga nadisgrasya sa ginamanehong motorsiklo ro biktima kaibahan ro backrider karang si John Rey Nerbiol matapos nga mabungguan it nag-over take kanda nga sangka close van sa porsyon it Brgy. Aranas, Balete.
Ro daywa hay parehong nag-angkon it bale sa waea nga porsyon it andang siki.
Samtang, ginpaabot man it pamilya ro andang pagkadismaya sa pag-release it Balete PNP sa driver it nakabunggo nga behikulo.
