KALIBO, Aklan—Arestado ro sangka IT it sangka hotel sa isla it Boracay sa ginpatigayon nga drug buybust operation it pulisya sa Sition Angol, Brgy. Manoc-manoc sa nasambit nga isla.
Ginkilaea ro suspek nga si Paul Berano “alyas Ambo”, 26-anyos ag temporaryong naga-istar sa Sitio Bolabog, Brgy. Balabag, Boracay.
Nabueo sa anang posisyon ag kontrol ro sangka sachet it marijuana kabaylo it marked money.
Sa pagrekisa it mga otoridad, narekober dugang ro tatlong sachet pa it marijuana.
Ginasugid nga online ro transaksyon it suspek kon siin ginabayaran sigon raya pinaagi sa Gcash, sangka online remmittance nga number eamang ro kinahang-ean nga pasahan it kwarta.
Sa makaron si Berano hay una eon sa paghinakop it Boracay PNP ag nakataeana nga magapangatubang sa kasong pag-eabag sa Republic Act 9165 ukon Comprehensive Dangerous Drugs Act of 2002.
