Kalibo Aklan ———Sa baylo nga tanod ro magabantay sa boundary area, baeas ro ginbu-bo sa sangka karsada sa Brgy. Andagao agud nga inde eon makaagi ro mga motorista tuga it ginapatuman nga Enhanced Community Quarantine sa bilog nga probinsya it Aklan tuga it 2019 coronavirus disease (COVID-19).
Base sa report, raya ro kauna-unahan nga insidente nga natabo sa probinsya kasunod it pag-istrikto sa mga pumueoyo it sangka komunidad kon sa siin limitado ro andang hueag.
Ginpahayag dugang nga maabong motorista ro naaeang-aeangan bangud nga inde eon kaagi tuga it baeas nga gintambak.
Ginpabutyag nga dumptruck it lokal nga gobyerno it Kalibo ro gingamit agud nga matambakan it baeas ro nasambitang karsada.
Nasayuran nga ginpaidaeom sa Enhanced Community Quarantine ro probinsya it Aklan bilang pangaman sa COVID-19.
Apang sa pihak kara, nakalista eon ro probinsya it tatlong kumpirmadong kaso it COVID-19 nga nagresulta sa pagkansela sa mga public transportation sa bilog nga Aklan.
