Magabutang it negosyo sa Pilipinas ro Tokyo Gas Company Limited nga sambilog sa mga kinahangean it nasyon agud nga mapabaskog ro energy requirement it Pilipinas.
Ro Tokyo Gas Company Limited hay natural gas suppliers nga nakipag kasugot kay Pangueong Ferdinand Marcos Jr., para mag negosyo sa nasyon.
Sa pakikipagpueong it pangueo sa Tokyo Gas officials sa pagpanguna it presidente ag CEO kara nga si Takashi Uchida, ginpahayag it pangueo nga naga-usoy ro Pilipinas it mix renewable energy ag traditional sources it energy para masolusyonan ro nagataas nga demand kara sa industriya ag mga households sa Pilipinas.
Rason nga nagapasaeamat sigon ro gobyerno it Pilipinas sa Tokyo Gas company sa kumpiyansang ginpakita bangud sa nakataeanang pagpatindog it negosyo sa Pilipinas para sa ekonomiya ag paeaabyuton nga energy supply halin sa Liquefied natural gas ukon LNG.
Suno sa pangueo nabatyagan nanda nga sa tamang daean ro nasyon para sa pagsueong it energy mix.
