Gusto it sangka konsehal sa banwa it kalibo nga ipaidaeum sa search and rescue trainings ro mga barangay officials ag mga tanod.
Suno kay sangguniang bayan member Ronald Marte nga tuyo it anang ginaduso nga resolusyon nga maging haum ro kada barangay sa banwa it kalibo sa pagtama it anuman nga insidente ukon kalamidad.
Raya hay kasunod it natabu nga 7.0 nga linog sa northern Luzon ko nagtaliwan nga domingo nga nagtuga it grabeng kahalitan sa imprastraktuta ag pagkamatay ag pagkanina it pilang mga indibidwal.
Sa resolusyon ni marte, ginahinyu kara ro taeatapan ni kalibo mayor juris sucro pinaagi sa municipal disaster risk reducation and management office ukon MDRRMO.
Engkaso suno kana nga magtuhaw ro insidente ukon kalamidad hay masarangan eon nga mag-aksyon sa andang kaugalingon nga kapasidad pinaagi sa gin organisa nga rescue team.
Indi eon sigon sanda maghueat sa pag-abot it MDRRMO ag iba pang natungdan nga ahensiya it gobyerno nga may limitadong numero it search and rescue personel.
Makabig man sigon nga first responder ro mga barangay officials ag mga tanod sa anuman nga emerhensiya kaibahan ro insidente it sunog, aksidente, pagkaeumos ag iba pa.
Si marte hay chairman it committee on peace and order, public safety and disaster ag sangka certified man nga rescuer.
