Magapatigayon it orientation ro sangka Korean recruitment agency pinaagi sa Public Employment Service Office ukon PESO Aklan.
Suno kay PESO Aklan manager Marsh Bernabe nga ro nasambit nga aktibidad hay sambilog sa mga programa it gobyerno probinsyal pinaagi sa Korean employment permit system kon sa siin ginataw-an it haega ro mga Aklanon nga makatrabaho sa Korea sa legal nga pamaagi.
Ginpahayag dugang nga ro orientation hay igapatigayon sa ABL Sports and Cultural Complex makaron nga adlaw it Biyernes, alas-2:00 it hapon.
Ro mga interesadong aplikante hay pwedeng mag-apply bilang Seasonal Worker sa Agricultural sector, Factory Worker, Painter, Welder ag Electrician.
Ginpahayag dugang ni Bernabe nga pinaagi sa nasambit nga programa hay mabuligan ro mga Aklanon nga makahaw-as sa andang pagpangabuhi kamana man bukon eamang it produkto ro aton nga pwedeng maexport kundi maging sa labor expertise.
