Nagapanawagan it seperado nga imbestigasyon si Senate Minority Leader nga si Aquilino Pimentel III sa posibleng anomaliya ag iba pang mga pag-eabag nga ginasugid ginahimu it mga opisyal it state gaming firm nga eakot sa sangka gina-alegar “anomalous” nga kontrata sa sangka third-party nga auditor.
Si Pimentel, sa pamaagi it Senate Resolution No. 443 nga anang gindihon, hay nagapanawagan sa Senate blue ribbon committee nga magpatigayon it imbestigasyon.
Sa resolusyon kara ginplastar ni Pimentel ro questionable credentials and credibility it Global ComRCI nga ginbulgar it sangka mamalidha sa pagpamati it Senate committee on ways and means ko nagtaliwan nga Martes.
Ro Global ComRCI hay gintapik it Philippine Amusement and Gaming Corp. (Pagcor) para sayuron ro mga kita it Philippine offshore gaming operators ukon POGO.
Una eon kara ro pagpahayag ni Pimentel nga suno sa sangka mamalidha nga puweding ginloko ro Philippine Amusement and Gaming Corp tag sumueod raya sa multi-bilyong pisong haega it kontrata sa nasambit nga third-party auditor.
