KALIBO, Aklan—Dead on ariival sa Aklan provincial hospital ro sangka mangunguma matapos nga ginbuno-patay sa Brgy. Tambuan, Malinao.
Ginkilaea ro biktima nga si Serio Inserto Cabales, 52-anyos ag residente it Brgy. Manhanip samtang ro suspek mat-a hay ginkilaeang si Jose Campoy Jr. 37-anyos ag residente it Brgy. Kinalangay Nuevo sa nasambit nga banwa.
Sa inisyal nga imbestigasyon it Malinao Municipal Police Station, fiesta sa nasambit nga lugar kon sa siin nagdayo ro daywa ag nag-inuman.
Sa inde pa matumod nga rason hay gilayon nga ginbuno it suspek ro biktima nga nakaangkon it fatal nga lastro sa anang eawas nga gintunaan it anang hinali nga kamatayon.
Nadaea pa sa ospital ro biktima apang gindeklara man nga patay eon.
Samtang, arestado mat-a ro suspek ag una makaron sa paghinakop it pulisya para sa nagakaigong disposisyon.
