KALIBO, Aklan—Sangka manok nga pambueang ro natigayon nga natikwi it tatlong ka mga indibidwal sa sangka farm sa Brgy. Laguinbanwa West, Numancia.
Ginkilaea it Numancia PNP ro tatlo nga sanday Rezly Namayan, sa legal nga edad it Brgy. Sta. Cruz, Lezo; Benjo Nabalde, sa legal nga edad it Brgy. Bubog, Numancia ag sangka 15-anyos nga binatilyo.
Suno sa tag-iya ag tagreklamo nga si Roland Laurente, 36-anyos it Brgy. Old Buswang, Kalibo, nakilaea it andang witness ro tatlo kon sa siin nahimo nanda raya samtang nagasabod it manok ro anang handler nga si Reymar Rey it Brgy. Marainos, Numancia.
Sa pag-usisa it pulisya, narekober sa baeay ni Namayan ro nasambit nga manok apang ro tatlo hay nakapaeagyo ag padayon pa sanda nga ginatugis it mga otoridad para sa nagakaigong disposisyon.
