Sangka misis ninahan matapos nga gin-eabo it anang mister

KALIBO, Aklan—Ninahan nga gindaea sa Aklan Provincial Hospital ro sangka 39-anyos nga misis matapos nga gin-eabo it kaugalingon nga mister sa Brgy. Cubay Sur, Malay.

Nakilaea ro biktima nga si Fe Evangelio, residente it nasambit nga lugar.

Ginapahayag nga nakaangkon sanda it mainitan nga diskusyon it anang mister kabi-i nga nagresulta sa pag-eabo kana.

Ro biktima hay natigayun nga mabun-an sa anang waea nga porsyon it abaga.

Nasayuran nga una sa idaeom it impluwensya it makahieilong nga ilimnon ro suspek kat matabo ro insidente.

Sa makaron hay indi pa matumod ro madaeom nga rason it insidente apang ginapanan-aw nga daea raya it sobrang selos it nasambit nga suspek.