KALIBO, Aklan—Sa pihak it ginapangatubang nga pandemya, nagapangibabaw sa gihapon ro “spirit of bayanihan” sa mga residente sa probinsiya it Aklan.
Kapareho eamang sa inisyatibo it sangka miyembro it LGBTQ+ Community nga naglunsar it proyekto nga gintawag nga “Sagip-Kapatiran” nga tuyo nga makapaabot it bulig sa mga nagatrabaho sa salon ag nawad-an it trabaho bangud ginapatuman nga mas hugot nga restrictions sa probinsiya sa tunga it padayun nga nagatinaas nga kaso it covid-19.
Suno kay Asia Adriana Ybarra, salon owner ag Queen of Aklan for Gender Equality 2017 nga imaw man ro una sa likod it nasambitan nga fund raising project nga sa pihak nga imaw hay apektado man owa raya naging rason para kana agud nga makapabot it bulig sa anang mga kaibahan sa LGBTQ+ community.
Dugang pa kara nga ana man nga ginakalipay nga may mga tawong owa nagduha-duha nga magpaabot it andang bulig.
Sa makarun hay nakapanudpod eun sigon imaw it food packs sa kapin sa 40 ka mga indibidwal nga para sa first ag second batch.
Samtang, ginahueat pa sigon nanda ro iba pang mga ginapadaea it sponsors agud nga maipanudpod man ro para sa third ag fourth batch nga mga beneficiaries.
Positibo man si Miss Ybarra nga maabo pa ro mabuligan it anang proyekto.
