-- ADVERTISEMENT --
KALIBO, Aklan—Dead on arrival sa Aklan provincial hospital ro sangka motorista matapos nga maaksidente sa ginamaneho nga motorsiklo bandang alas-6:30 it gabie sa national highway nga sakop it Brgy. Panayakan, Tangalan.
Ginkilaea ro driver nga si Herrol Talislis, 31-anyos ag residente it nasambit nga lugar.
Sa inisyal nga imbestigasyon it Tangalan Police Station, nagahamyangon sa binit it karsada ro driver kon siin nakitaan raya it lastro sa ueo ag iba pang parte it kaeawasan.
-- ADVERTISEMENT --
Bangud kara, insigida man imaw nga gindaea sa baeay paboengan apang gindeklara nga patay eon it attending physician.
Ginasugid nga paadto sa porsyon it banwa it Ibajay ro biktima kat matabo ro aksidente nga padayon pa sa makaron nga ginaimbestigahan it pulisya.
