-- ADVERTISEMENT --
KALIBO, Aklan—Bangud sa pagiging arogante, nagapangatubang makaron sa kasong Resistance and Disobedience upon Agent of Person in Authority ro sangka eaeaki matapos nga nagsukoe sa pulis nga nagsita kana sa Poblacion, Makato.
Ginkilaea ro suspek nga si Arnel Paservo, 51-anyos ag residente it nasambit nga lugar.
Base sa report, nagamaneho si Paservo it anang motorsiklo nga uwa it suksok nga face mask ag helmet rason nga ginsita raya it mga kapulisan.
Apang, imbes nga magsunod sa mga otoridad hay nagkriar pa raya it eskandalo ag ginhambaean it mga maeain nga tinaga ro nagsita kana nga pulis.
Bangud kara, gindaea si Paservo sa taeatapan it pulisya kon sa siin imaw sa makaron temporaryong nakakulong para sa anang nagakaigong pagbueong.
-- ADVERTISEMENT --
