KALIBO, Aklan—Dead on arrival sa Aklan Provincial Hospital ro sangka motorista matapos nga maaksidente pasado alas 5:45 kahapon sa pakurbada nga porsyon it Brgy. Poblacion, Numancia.
Ginkilaea ni PSSgt. Felizardo Navarra it Numancia Police Station ro biktima nga si Wemel Pateño, 20-anyos, tumandok it Pandan, Antique, apang presenteng naga-istar sa Brgy. Silakat Nunok, Lezo.
Base sa imbestigasyon it pulisya, madasig ro pagpadaeagan it biktima sa ginasakyan karang motorsiklo.
Kung siin pag-abot kara sa pakurbada nga porsyon it nasambitang lugar halin sa direksyon it Brgy. Badjo, Numancia hay gulpi eamang imaw umawas sa motorsiklo.
Bangud sa kabaskog it impact tuga it pagkabunggo sa pader hay nag-angkon it fatal nga lastro sa ueo si Pateño nga naging rason it anang hinali nga kamatayon.
