Bumaliskad ro sangka motorsiklo matapos nga mabungguan ro sangka eaeaki sa national highway nga sakop it barangay Tabayon,Banga.
Base sa inisyal nga imbestigasyon it Banga Municipal Police Station maghalin sa bahin it Altavas ro motorsiklo nga ginamanehar ni Marlon Alejandro sakay ro anang nanay nga ginkilaea kay Angelie Alejandro ag Arasili Arboleda ag pauli eon sa barangay Pagsanghan, Banga kat matabo ro nasambit nga aksidente.
Ginasugid nga samtang ginadaeagan ro nasambit nga daeanon kat gulpiyadang nagtambok ro sangka eaeaki nga ginkilaea kay Jerry Elias.
Nasayuran nga sa idaeom it makahieilong nga ilimnon si Elias.
Sa makaron, confined sa provincial hospital si Elias matapos nga makaangkon it lastro sa anang nagkaeain-eain nga kaeawasan partikular sa porsyon it anang ueo.
Mag-eowas kara nakaangkon man it pilang ka mga lastro ro driver it motorsiklo ag ro mga sakay kara.
