-- ADVERTISEMENT --
KALIBO, Aklan–Arestado ro sangka 37-anyos nga eaeaki sa ginpatigayun nga drug buy-bust operation it mga kapulisan sa Brgy. Tabayon, Banga.
Nakilaea ro suspek nga si Rey Nobleza, sangka negosyante ag tumandok it Brgy. Sibalew, Libacao.
Narekober sa posisyon it suspek ro sangka sachet it ginapatihan nga shabu, marked money nga P1,548, sigarilyo ag lighter.
Hugut man nga nagpanindugan ro suspek nga owa imaw nagagamit ukon nagaduso it iligal nga droga kamana man nga bukon it ana ro nabuoe it sachet it shabu.
Haum sigon imaw nga magpaidaeom sa drug test para mapamatud-an nga malimpyo imaw halin sa iligal nga droga.
-- ADVERTISEMENT --
Si Nobleza hay presenteng nakakulong sa Banga Municipal Police Station.
