KALIBO, Aklan—Sangka obrero ro nagreklamo sa bombo radyo kalibo matapos nga hasta makaron nga adlaw it paskwa hay owa pa sanda nakabaton it 13th month pay halin sa construction firm nga ginatrabahuhan.
Suno sa tagreklamong si Arnold Tolentino, driver it audric construction company nga ginasaligan kunta nanda ro kwarta nga mabaton halin sa andang kompaniya eabi pa ag mabuhay eon imaw nga nagaserbisyo nga makabig eon nga regular nga empleyado.
Mag-eowas kara, mabudlay suno kana ro pagpangabuhi bangud sa naexperiensiyahan nga pandemya
Nangawa sigon sanda bangud nga ko nagtaliwan nga dag-on hay nakabaton man ro tanan nga mga trabahador it bonus.
Samtang, plano sigon nanda nga mga trabajador nga magdangop sa Department of Labor and Employment ukon DOLE agud nga masayuran ro andang mga kinamatarung sa pagbaton it 13th month pay.
