-- ADVERTISEMENT --

KALIBO, Aklan—Nagparecord sa Kalibo PNP ro manghod it sangka Overseas Filipino Worker (OFW) matapos nga mabiktima it investment scam ro anang magueang ag naboe-an it kapin sa P70,000 nga balor it kwarta.

Suno kay alyas ‘Lyn’ , nagtawag kana ro anang magueang nga si Rachel Nigrida, 30 anyos ag residente it C. Laserna Street, Brgy. Poblacion Kalibo apang presenteng nagatrabaho bilang OFW sa nasyon nga Croatia angot sa pagpangayo kara it bulig nga  mairecord ro ginhimo nga pagpangloko kana it  ap-at tanan ka mga persona nga nakilaea sa mga pangaean nga sanday Kathleen, Clark, Bryan, Melody ag Jonard A.

Nauna kara, nagpromisa sigon ro mga scammer nga ibalik it doble ro kwarta it biktima kung raya hay mag-invest kanda.

-- ADVERTISEMENT --

Una sigon nga  nagpadaea  it P30,000 ro biktima pamaagi sa anang G Cash account.

Hasta nga kabuhay eun ro anang paghueat hay owa gihapon naibalik ro anang kwarta.

Kasunod kara,  ginpangayuan  pa imaw it  dugang nga kwarta agud nga mabo-oe sigon ro interest ag capital.

Hasta nag nag-abot eun it P70,000 ro nabo-oe it mga scammer  nga nagpakilaeang maghalin sa kompaniyang Borego Solar Power Plant nga nakabase sa Metro Manila.