Uwa it pagnuoe sa kaugalingon si Bombo International Correspondent Marry Lou Bautista-Borra nga gin-aywanan nana ro anang mga onga para magtrabaho sa ibang nasyon partikular sa Hongkong.
Raya hay kasunod sa anang handom nga mataw-an it manami nga bwas damlag ro anang mga onga ag bilog nga pamilya.
Suno kana, masakit bilang ina nga naga-alaga it ibang onga apang mas nagpangibabaw ro anang pagpalangga sa anang kaugalingon nga onga sa pamaagi nga mataw-an ro mga raya it manami nga puturo.
Uwa naging madali kana ro pagtrabaho sa ibang nasyon eabi eon sa adlaw-adlaw nga bukon nana it kaibahan ro anang mga pinalangga sa kabuhi apang ginsuk-ean nana raya tanan hasta nga ko ulihi hay nasanay eon imaw.
Pasaeamat sigon imaw sa makaron nga may moderning teknolohiya eon nga adlaw-adlaw nana nakikita ro anang bilog nga pamilya ag ro ana mismo nga nasapuean nga amo hay ginkabig man imaw nga pamilya.
