Sangka OFW, pabor sa ginpagguwa nga advisory it DMW angot sa partial deployment ban it mga bag-ong hire nga domestic helpers

KALIBO, Aklan–Pabor ro sangka Overseas Filipino Worker (OFW) sa Kuwait sa ginpagguwa nga advisory it Department of Migrant Workers (DMW) angot sa partial deployment ban it mga bag-ong hire nga domestic helpers.

Suno kay Bombo International Correspondent Dennis Rata nga manami ro naging tikang it taeatapan bangud kinahang-ean anay nga matutukan ag maresolba ro mga problema.

Raya hay kasunod it karumal-dumal nga gindangatan it sangka Pinay OFW nga si Jullebee Ranara.

Gin-insister man kara nga nagakadapat eamang nga pungkuan ro kinahang-ean amyendahan sa 2018 bilateral agreement it Pilipinas ag Kuwait.

Dapat sigon nga masiguro ro mas hugut nga proteksyon sa mga OFW kamana man nga taw-an it ngipon ro ginapatuman nga deployment ban.