Kalibo Aklan ——- Bangud nga bukon it apektado it lockdown tuga it coronavirus disease (COVID-19) pandemic, plano it sangka Overseas Filipino Worker (OFW) sa Washington DC, USA nga magpadaea it donasyon nga kwarta sa mga kasimanwa nga apektado it pandemya .
Suno kay Bombo International Correspondent Ajay Salvador, tubong Brgy. Jalas New Washington ag presenteng nagatrabaho sa nasambit nga estado it Amerika nga kutob sa anang mga nakikita nga nagapangayo it bulig sa social media hay gina-usuyan nana it pamaagi agud nga mataw-an it bulig.
Naga-usoy sigon imaw it contact person agud nga maghatud it anang donasyon .
Sa pihak nga parte, bangud sa padayon nga pagtaas it kaso it mga tinamaan it COVID-19 sa Amerika hay kabado ag doble dahan man sigon ro andang ginahimo.
Suno kay Salvador nga pagkatapos sa trabaho hay nagaderetso imaw it uli sa anang gina-istaran agud nga makalikaw nga ma-infect it virus .
Nagiging updated sigon imaw sa mga balita pinaagi sa pagpamati .
Sa makaron hay amat-amat eon sigon nga nagabukas ro pilang nga negosyo sa Amerika .
