KALIBO, Aklan—Ginproponer ni barangay kagawad Mark Sy it Poblacion, Kalibo nga makaangkon it dugang nga pitong adlaw nga quarantine period ro mga pasyenteng nag-positibo sa Coronavirus Disease 2019 ukon covid 19 sa pihak nga nakatapos eon it 14-days nga mandatory isolation./
Suno kay kagawad Mark Sy nga tuyo kara nga mataw-an it dugang nga seguridad ro mga pumueuyu.
Nag-ugat sigon ro anang ginaproponer nga ordinansa matapos nga sangka residente it Purok 1, C. Laserna St., Kalibo nga kaibahan sa 70 nga mga nagpositibo sa deadly virus ro uman nga nagpositibo sa sakit matapos nga ginpaidaeum sa swab test kat maeakot sa sangka aksidente.
Kumpiyansa man ro opisyal nga indi kara maeabag ro patakaran it national inter-agency task force.
Raya suno kana ro anang naisipan nga pamaagi matapos nga ginduea eon ro uman nga pagpatigayon it RT-PCR tests sa mga covid patient nga nakatapos it 14 diyas nga quarantine period.
Kinahangean suno kana ro dugang nga pagdahan bangud nga owa pa makaron it available nga covid vaccine sa Pilipinas.
