Agud nga maaksyunan eon ro reklamo it mga negosyante sa banwa it malay partikular sa isla it boracay, gusto it sangguniang bayan nga makabilog it ordinansa agud nga obrahon nga simple ro pagproseso sa pag-apply it business permit.
Suno kay SB member Vicky Aguirre nga raya hay bilang pagsunod sa implementasyon it simplified and ease of doing business measures sa Pilipinas.
Bilang sangka negosyante sigon sa isla hay naintindihan nana ro kalisod kon naga-abot ro renewal it permits kada dag-on.
Sangka committee hearing ro ginpatawag it konseho ko nagtaliwan nga adlaw, kun sa siin , imbitado ro natungdan nga mga taeatapan nga kaibahan sa pagproseso it mga business permits agud nga mabo-oe ro andang feedbacks ag suggestions.
Plano nanda nga i-classify ro mga negosyo sa isla nga ginaeakipan it big business kapareho it mga hotels and restaurants, small and medium ag retail stores agud nga makaangkon it separadong mga set of requirements.
Bukon sigon it patas ro presenteng sitwasyon bangud nga sambilog eamang ro requirements para sa tanan.
Dismayado suno kana ro mga maintok nga negosyante ag naduea-an it gana nga magtukod it negosyo ro iba bangud nga mas mabahoe pa ro processing fee kaysa sa starting capital eabi eon ro mga nagabukas it baraka
