KALIBO, Aklan—Owa eon it kabuhi kat masapwan ro sangka padre-de-pamilya matapos nga magbigti-patay kainang aga-aga sa andang baeay sa Brgy. Mina, Lezo.
Suno kay Punong Barangay Jimmy Perez nga nagapabilin pa nga blangko ro pamilya sa posibleng rason it pag-utas it kaugalingon nga kabuhi it owa eon ginpangaeanan nga biktima ag asawa it sambilog sa anang barangay tanod.
Sa pag-istorya ni Kapitan Perez, owa it anumang record sa andang barangay ro biktima ag maayos man raya nga klase it tawo.
Ro ana eamang sigon kara nga ginakasakuan hay ro pag-ubra sa eanas ukon pagturtol.
Owa man nalikawan it opisyal nga masubuan sa natabo sa andang barangay bangud ko Disyembre 28 hay nagpakamatay man ro igmanghod it biktima bangud sa stress.
Ginlaygayan man kara ro mga pumueoyo nga indi magpadaog sa mga gina-agyan nga problema ag perming pillion nga mag-usoy it solusyon.
