-- ADVERTISEMENT --
KALIBO, Aklan–Naga-abot sa masobra P20,000 ro gin-aywan nga danyos it nag-eontad nga sunog sa sangka panimaeay kahapon sa Brgy. Venturanza, Banga.
Ro nasambit nga baeay hay ginapanag-iyahan ni Jo Alex Eleserio, 24-anyos, residente it nasambit nga lugar.
Base sa inisyal nga imbestigasyon it Bureau of Fire Protection (BFP)-Banga nga may nag-spark nga kable it kuryente sa sueod it baeay nga naging rason it pag-umpisa it sunog.
Ro baeay hay himo sa light materials rason nga madasig nga naugdaw it kaeayo.
Nasayuran nga pilang dominggo eon nga owa naga-uli si Eleserio bangud presente raya nga naga-trabaho sa isla it Boracay.
-- ADVERTISEMENT --
Sa makaron hay nagapadayun pa ro imbestigasyon it BFP-Banga angot sa nasambit nga sunog.
