-- ADVERTISEMENT --
Uwa eon nasalbar ro sangka baeay sa pag-eamon it kaeayo sa sunog nga nag-eontad sa Brgy. Casit-an sa banwa it Libacao.
Raya hay ginapanag-iyahan nanday Doña Maria Olisco Zonio ag Romel Zante Zonio nga residente it nasambit nga lugar.
Bangud sa nabukid nga parte it lugar ag gabie natabo ro insidente, nalisdan sanda nga maapula ro kaeayo.
-- ADVERTISEMENT --
Angot kara, nag-apela it bulig ro tag-iya sa mga may mabinueawanon nga tagipusuon bangud nga maskin ro andang kagamitan hay uwa gid nasalbar sa kaeayo.
Sa makaron, ro insidente hay padayon pang ginaimbestigahan it Bureau of Fire Protection ukon BFP Libacao agud nga masayuran ro gintunaan it kaeayo.
