Sangka panimaeay, partially damaged matapos nga masunog; P550K naging danyos

KALIBO, Aklan—Partially damaged ro sangka panimaeay matapos ro nag-eontad nga sunog sa bahin it Laguinbanwa East, Numancia.

Base sa report, ro nasambit nga baeay hay ginapanag-iyahan ni Mr. Isidro Perlas.

Nag-umpisa sigon ro sunog bandang alas-11:20 ko gabi-i it Sabado ag daeayon nga natapna pasado alas-12:40 it aga-aga it Dominggo.

Ginapatihan nga nag-umpisa ro kaeayo sa electric wiring sa attic it baeay.

Kapin sa 550, 000 pesos man ro gin-aywan nga danyos it nasambit nga insidente.