KALIBO, Aklan—Naugdaw gid ro sangka residential house sa Brgy. Polo, New Washington matapos nga masunog.
Ro nasambit nga panimaeay nga human sa light materials nga ko ulihi hay ginhimong bodega hay ginapanag-iyahan ni Mrs. Edna Andrade, sa legal nga edad ag residente it nasambit nga lugar.
Ginasugid nga may incubator pa it mga manok sa nasambit nga lugar.
Nataeopangdan eon lang sigon raya it mga tawo sa lugar nga nagadaba daba ag ginaeamon eon it kaeayo ro mga parte it panimaeay nga madali maduktan.
Nakaresponde pa ro Bureau of Fire Protection ukon BFP New Washington apang uwa eon it nasalbar nga kagamitan ro pamilya.
Ginatantya nga nagaabot sa kapin sa P20,000 ro naging halit it nasambit nga insidente.
Sa makaron hay nagapadayon pa ro imbestigasyon it BFP angot sa kon anu ro gintunaan it sunog.
