Naugdaw ro sangka panimaeay bangud sa nagtuhaw nga sunog sa Purok 1, Sitio Tabok, Brgy. San Roque, Malinao bandang ala-1:00 it hapon kahapon, adlaw it Lunes, Hunyo 8.
Suno kay FO1 Ronnel Candolita, fire arson investigator it Bureua of Fire Malinao, natyempuhan nga uwa it tawo sa nasambitan nga baeay rason nga uwa it nasalbar nga kagamitan.
Ro nasambit nga panimaeay hay ginapanag-iyahan ni Ranjay Relimbo.
Bangud sa kaeayuon it lugar nagkinahangean sanda it napueo ka mga hose para nga umabot sa nagakasunog nga baeay.
Dugang pa kara, base sa pahayag it tag-iya, uwa sanda it naaywanan nga mga nakasaksak nga appliances ukon kun ano man nga bagay nga pwedeng tunaan it sunog.
Himo sa light materials ro panimaeay rason nga madasig nga nagkalhit ro kaeayo.
Paathag dugang ni FO1 Candolita, ro sukat it panimaeay hay una sa 33sqm ag base sa andang BFP Operational Procedures Manual ginabueubanta nga una sa P49,500 ro danyos nga gin-aywan it sunog.
Sa makaron, padayon pang gina-imbestigahan ro rason it nasambitan nga sunog.
