Sangka panimaeay sa may bahin it Purok 4 C. Laserna St. Sa banwa it Kalibo ro ginaalegar nga ginsueod it mga owa nakilaea nga mga persona kainang aga-aga it pang-orason.
Nagreklamo sa Kalibo municipal police station bandang alas-3 kainang aga-aga ro sangka 58-anyos nga ginang ag residente it nasambit nga lugar matapos nga ginasugid ginsueod ro andang panimaeay ag gintakaw ro pilang kagamitan kara.
Nabugtaw sigon ro ginang tuga it nabatian nga sangag ag matapos nga sikyaron ro palibot hay nataeupangdan eon lang sigon nana nga owa eon ro anang cellphone nga Vivo,daywang ka mga ID ag susi it motor.// Bangud kara insigida nga nagdueog ro biktima sa taeatapan it Kalibo municipal police station ag iparekord ro nasambit nga insidente.
Sa makaron padayon pa ro imbestigasyon it katapo it mga kapulisan angot sa natabo.
