-- ADVERTISEMENT --
Kalibo Aklan ——-Kapin sa 14,800 pesos ro natigayun nga nabuoe sa sangka panimaeay matapos nga ginsueod it sangka manakaw sa Brgy. Andagao, Kalibo.
Base sa report it Kalibo Police Station, nakilaea ro suspek nga si Juan Paolo Gabayan, 27-anyos, residente it Brgy. Naile, Ibajay.
Ginapabutyag nga ginsamad sigon it suspek ro lock it sliding window kung siin raya ro nagserbi nana nga daean pasueod it panimaeay it owa eon nagpapangaean nga biktima.
Kaibahan sa mga nabuoe it suspek ro sangka pouch nga may sueod nga mga medicine kit ag sangka kahita nga may sueod nga kwarta nga kapin sa 14,800 pesos.
Insigida man nga nadakpan ro suspek matapos ro insidente ag sa makarun hay sa paghikop eon raya it Kalibo PNP.
-- ADVERTISEMENT --
