KALIBO, Aklan—Naga-abot sa haeos P20,000 pesos ro danyos nga nailista matapos nga masunog ro sangka panimaeay kahapon sa Sitio Sapa, Brgy. Cabangila, Altavas.
Suno kay FO1 Raven Corros it Altavas Fire Station, ro nasambit nga baeay hay ginapanag-iyahan ni Christine Valentin, 31-anyos it nasambit nga lugar.
Ginapatihan nga nag-umpisa ro kaeayo sa nabilin nga baga matapos nga magtug-on ro biktima.
Ginasugid nga ro tawo eamang sa andang panimaeay kat matabo ro sunog hay ro daywang ka mga unga kara nga naga-edad it pito ag siyam nga dag-on ag sa mayad nga swerte hay owa nahalitan sa insidente.
Eubos man ro pagkasubo it pamilya matapos nga maging totally burned ro andang gina-istaran.
Sa makaron hay nagapadayun pa ro imbestigasyon it BFP-Altavas angot sa insidente.
